UEFA Avropa Liqasının üçüncü təsnifat mərhələsinin cavab oyunları çərçivəsində avrokuboklardakı yeganə təmsilçimiz "Qarabağ” Polşanın "Visla” klubunu qəbul etdi.
"Qarabağ"ın Avropada zəfər yürüşü davam edir. Makedoniya "Metallurq"unu, Şimali İrlandiya "Portadaun"unu mübarizədən kənarlaşdıran komandamız növəti uğuruna Polşa komandası üzərində qələbə qazanmaqla imza atdı.
Səfərdə "Visla"nı Vüqar Nadirovun yeganə qolu ilə yenən Qurban Qurbanovun yetirmələri evdə daha böyük hesablı qələbə qazana bilərdi. Qarşılaşmanın ilk dəqiqələrində bir neçə qol imkanını boşa verən "Qarabağ" 28-ci dəqiqədə coşdu və 7 dəqiqəyə üç qol vurdu. İlk qol Əfran İsmayılovdan gəldi. Gənc futbolçu bu mövsüm Avropa Liqasında 5-ci qoluna imza atdı. 33-cü dəqiqədə Rauf Əliyev fərqləndi. İki dəqiqə sonra isə Rauf Əliyev üçüncü qolu rəqib qapısından keçirdi. İkinci yarıda arxayınlaşan "Qarabağ" qapısında iki qol gördü. Əvvəlcə Pavel Brojek, ardınca Rafael Boquski fərqləndi.
"Qarabağ" bu oyunda möhtəşəm azarkeş dəstəyini arxasında hiss etdi.Arenaya toplaşan 30 mindən artıq insan 90 dəqiqə susmadan "Qarabağ"ı zəfərə daşıdı. "Qarabağ"da bunun qarşılığını gözəl oyun və gözəl qələbə ilə verdi.


QOLLAR:Əfran İsmayılov, 28 (1:0). Rauf Əliyev, 33 (2:0). Rəşad Sadiqov, 35 (3:0). Pavel Broşek, 56 (3:1). Rafal Boquski, 88 (3:2)


Təşəkkür "Qarabağ"! Təşəkkür Qurban Qurbanov!
Təşəkkür uşaqlar!!!